Histógram 2

 

Margir sem taka myndir vilja sjá framfarir hjá sér. Aðrir láta sér það í léttu rúmi liggja þó myndirnar séu ekki góðar og vilja ekkert ná meiri árangri.

 

Hvort sem verið er að taka myndir til varðveislu minninga eða verið er að taka myndir af einhverri sköpunarþrá þá endast þær betur ef maður vandar sig við verkið.

 

Ég hef gengið í gegnum ákveðna þróun í mínum ljósmyndatökum. Ég vil altaf verða betri. Það er það sem heldur mér gangandi í þessu tómstundagamani. Mikið vildi ég hafa verið betri þegar ég tók myndir af börnunum mínum litlum, sem nú eru orðin fullorðin. Ég er ef til vill ekki mjög góður miðað við marga en keppikefli mitt er að verða betri en ég er. Þann draug hef ég sigrað og ætla að sigra enn betur í framtíðinni.

 

Næsta sem við getum velt fyrir okkur er að ná öllum smáatriðum sem við teljum mikilvæg.Ég hef fjallað um mikilvægi þess að halda myndavélinni stöðugri, þá er mikilvægt að hafa fókusinn góðan. Mikla fókusdýpt í landslagsmyndum þannig að bæði eitthvað sé skýrt í forgrunni og bakgrunnurinn sé líka skýr. 

 

Ef menn ætla að ná langt og eiga spegilmyndavélar eða vandaðar smámyndavélar þá ættu menn að stilla ljósop og hraða sjálf ar/ir og vista myndirnar sem hrámyndir.  Þegar menn stilla vélina þá leitast menn við að ná bæði háljósum og skuggum. Stundum verður að fórna öðru. Ef maður stillir vélina sjálfur þá getur maður tekið slíkar ákvarðanir. Margir skoða myndina strax eftir töku. Atvinnuljósmyndarar skoða ekki myndina heldur histógramið. Það er misjafnt eftir vélum hvernig það er kallað fram en á Canon vélum er ýtt á takka sem heitir info meðan myndin er sýnd.  Best er að histógramið nái enda á milli þannig að það fjari út til endanna svo það verði næstum ekki neit.

Skoðum myndirnar hér að neðan. Fyrst hægri myndina: Hér sjáið þið að engar upplýsingar eru milli punkts B og hægri jaðar grafsins. Eins er það vinstra megin þó bilið sé minna milli punkts A og jaðarsins vinstra megin. Þetta þýðir að myndin er hvorki brend í háljósum eða skuggum. Ef svo væri þá væri hluti grafsins handan jaðarsins. Hins vegar ern kontrastinn minni en hann mætti vera. Ekki verður alltaf ráðið við þetta. Laga má dreifinguna í myndvinnsluforrit eftir á eins og skýrt hefur verið frá. Ef myndin er hrámynd eru svo miklar upplýsingar í myndinni að þær nægja til að dreifa þeim yfir stærra bil það er jaðra á milli. Vinstra megin eru skuggarnir og hægra megin háljósin. Hæst er grafið svona fjórðung af fjarglægðinn milli jaðra. Það rís vinstra megin sem þýðir að margir dökkir punktar eru í henni.   Næsta mynd er tekin af snævi þöktu landslagi. Grafið sýnir aðallega ljósa punkta. Skoðið gröfin í mismunandi myndum þannig að þið lærið að meta útkomuna út frá því. Skoðið hvað mikinn kontras þið fáið í ólíkar myndir og hvað er brent það er að vanti smáatriði í háljósin (hvítar skellur) eða skuggana (svartar skellur)